നിഴൽ

നിഴൽ

വ്യർത്ഥമായിരുന്നെങ്കിലും,
എന്റെ മോഹങ്ങൾക്ക് ഒരിക്കൽ
ചിറക്നൽകിയതവളാണ്.
സഫലമോഹങ്ങളിലേക്കു ഞാൻ
പറന്നു നോക്കി.
ചിറകടിയൊച്ച കേട്ടവൾ
തിരിഞ്ഞുനോക്കി

അകലെയാണെങ്കിലും കണ്ടവൾ;
എന്റെ ആ ചിറകുകൾ വിറയ്ക്കുന്നത്.
കരുണകാട്ടാൻ കഴിയാതെ
അവൾ അകലേയ്ക്കു തന്നെ...........
ഒടുവിൽ ആരും അറിയാതെയെൻ
വിറയാർന്ന ചിറകുകൾ അറ്റുവിണു.
അവസാനനോട്ടം തലയുയർത്തി ദൂരെ-
അവളിലേക്ക്....ഒരു മാത്രകൂടി.......
പിന്നെ വെയിലേറ്റ് ഒരു പാട് കാതംമുന്നിലേക്ക്.

ഒടുവിൽ“ മഴ”വന്നു കെടുത്തി ആ‘ പകലിനെ’
വിഘ്നം വന്നു വഴിയാത്രമുടങ്ങി.
മഴ അന്ന് രാത്രിയിലേക്കു നിളാതെ
പകലിൽ മാത്രമായി പെയ്തു തീർത്തു.
നിശയിലേക്കായി യാത്രമാറ്റി....