വഴിതെറ്റിയ മടക്കയാത്ര

വഴിതെറ്റിയ മടക്കയാത്ര

നിറമുള്ള നൂറു സ്വപ്നങ്ങൾ നെയ്തു
നാട്ടിൻപുറത്തെ സൌഹൃദ സങ്കല്പ നിരത്തിൽ
ഒത്തിരി നേരത്തേയ്ക്ക്
അധ്വാനത്തിരക്കിനൊരല്പശമനം
ഇടവേളയൊന്നു ഹൃദ്യമാക്കുവാൻ
ആ യാത്ര വീട്ടിലേയ്ക്ക്......
പായുന്ന വണ്ടിയിൽ ശബ്ദം ഉച്ചത്തിലായി
സഹയാത്രികർ വഴിയിലെവിടെയോ പിരിഞ്ഞു
ഏകയായി അവൾ
ഭീതിയുടെ നിഴല്പാടുകൾ ചുറ്റിലും!
അറിയാതെ ഹൃദയം താളം മാറി
ഇരുളടഞ്ഞ ഇടനാഴിയിൽ
പതിയിരുന്നവൻ
പറിച്ചെടുത്ത് ആ യൌവ്വന സ്വപ്നങ്ങളെ
പ്രതികരണമറ്റവൾ
നിലത്തു വീണു
പിച്ചിച്ചീന്തിയ ശാരികയേ......
അവസാന നിലവിളി ആരും കേട്ടില്ല
ഹൃദയതാളം നിലച്ചുറക്കമായ്
ചോരപ്പടുമായി അവൾ....
ആ പച്ചമണ്ണിൽ!