സൈലന്റ് അറ്റാക്ക്

സൈലന്റ് അറ്റാക്ക്

ഒരു വിളി ,ഉണർത്തുപാട്ടായ്
ഉയരുന്നു പുലർവേളയെന്നും!
പതിവുപോലന്നും പതിയെയൊരുവിളി,
മധുരമാം മൊഴിയതു പ്രിയനുണരുവാൻ!
അന്നാവിളി തെല്ലൊരച്ചയിലായ്;
വിളികേൾക്കാതുറങ്ങൂന്നു പ്രിയനവൻ!
നിലവിളിയൊരു സന്ദേശമായി,
സന്ദേഹം,മായ്പും കിതപ്പുമായ്
പിന്നെയൊരാൾക്കൂട്ടം!
കൈപിടിച്ചാരൊക്കെയോ വൃഥാ
ആശിച്ചുനോക്കി തുടിപ്പുകൾ!
ഇനി ഉണരാതുറക്കമായെന്നവർ
പറയാതെ പറയുന്നുമൂകമായി
ദേഹഭാഷകൾതൻ സന്ദേശഭാവങ്ങൾ.....
രാ‍ത്രിയിലെപ്പൊഴോ വേഗമൊരു വേള-
നിലച്ചതത്രേ നിഗൂഡ നിശബ്ദമായ്;
ഉള്ളിലൊരുൾക്കിടിലമായി വന്നുതറച്ചു -
രണ്ടാംഗലേയവാക്കുകൾതൻ മിശ്രണമതു
“സൈലന്റ് അറ്റാക്ക്”